مر المطر يا حنين الشعر ونادى لك
واحد ولا مر ماهو مثل أي واحد
كبرت يا حلمي اللي كنت أسعى لك
ما أشوفك الاولي لي مختلف واجــــد
في عينك الخوف ما سولفت وش جالك
الصمت يشهد على خوفك وانا شاهد
نسـيت وإلا أمـانينا على بالك
للحين قلبك حزين , وضايق , وفاقد
للحين حالك من الفرقا على حالك
واقـــــف بـوجه الغياب وعــازم وصـامد
رح لـطريق الطويل وبعثر آمالك
ما عاد له داعي نسولف / ونتواعــــد
خل الكلام الكثير ينام بظلالك
ظروف الايام ما تعـــذر ولا تساعـــد
ما غير درب الغياب المر يصفى لك
نامت عيون الوصال وجرحنا راقد
مـا فيه وآحد بتبقى له ويبقى لك
حتى أنت وياك تصبح شبه متواجد
يا قلبي الحالم وكل شوق غنى لك
لكنْ درب الوصل متغير , وجاحد
أشتاق , للي تحب وحط في بالك
حــــياة الانسان ما توقف على وآحد
